De MEGA-Katalog an d’MEGA-Webinairen

Am Kader vun hirer Digitaliséierungsstrategie setzt de MEGA seng Beméiunge virun, fir d'Initiativen aus dem Ministère an vu senge Partner zesummenzeféieren an dës iwwer eng eenzeg Plattform zougänglech ze maachen.

🎯 D’Zil: eng eenzeg Toolbox, wou all déi relevant Instrumenter op ee Bléck kënne fonnt ginn.

De MEGA-Katalog

De MEGA huet dofir de „MEGA-Katalog“ entwéckelt – eng digital Plattform, déi eng ëmfaassend Iwwersiicht vun den Atelieren a pädagogeschen Aktivitéiten ubitt.

👉 Praktesch, effizient a frëndlech fir d’Benotzer:innen, ass de Katalog zu all Moment online verfügbar:
🔗 www.rockmega.lu/mega-catalogue

D’MEGA-Webinairen

Parallel zu den Aktivitéiten um Terrain, bitt de Ministère och „MEGA-Webinairen“ un.

Dës erlaben et, sech op eng flexibel an digital Manéier mat der Thematik vun der Gläichstellung auserneenzesetzen a verschidde Perspektiven z’entdecken.

📚 Dës Webinairen si verfügbar op:
🔗 www.rockmega.lu/courses

Thematiken, déi ugebuede ginn, ënner anerem:

Gläichstellung – eng Fro vu Klischeeën & Stereotyppen (z. B. den Atelier RosaBlo fir Kanner am Grondschoulalter)
Wéi erliefs du d’Gläichstellung tëscht Fraen a Männer? (fir Jugendlecher am Secondaire)
Wéi beaflossen eis déi sozial Medien? (fir Jugendlecher am Secondaire)
Sexismus – eng Form vu Diskriminéierung (fir Jugendlecher am Secondaire)
Neie Stage, nei Aarbecht? – Wat muss ech wëssen? (fir zukünfteg Diploméierter)

D’MEGA-Webinairen enthalen Ateliere vum Ministère selwer, mee och vu Partner wéi dem CID Fraen & Gender oder der Chambre des Salaréis, mam Zil d’Gläichstellung tëscht Fraen a Männer ze fërderen.

D’Ekipp vum Ministère huet donieft och pedagogescht Material entwéckelt – dorënner Pixi-Bicher, d’Broschür „We are equal“ an Videoe ronderëm déi grouss Sujete vun der Gläichstellung –, fir eng inklusiv Gesellschaft ze fërderen an déi individuell Sensibiliséierung ze stäerken.

Den thematesche Site rockmega.lu bündelt all des Informatiounen a stellt den éischte Kontaktpunkt duer fir:

Elteren
Enseignanten
Educatricen an Educateuren
an all Persoun, déi sech mam Thema Gläichstellung a Bildung wëll vertraut maachen.

📌 Op der Plattform fannt Dir:

Verschidden Aktivitéiten an Evenementer
Etüden a Recherchen
D’Méiglechkeet, Ateliere no Mooss ze reservéieren
D’Kontaktdonnéeë vun der Ekipp, fir eegen Initiativen z’entwéckelen oder sech beroden ze loossen.

De Site Rockmega.lu ass domat e wichtegt Instrument, fir d’Gläichstellung vun Ufank u matzedenken – am Alldag, an der Bildung an an der Gesellschaft.